प्रेमीकाले घरमा पेट्रोल छर्केर आगो लगाईदिएपछि एथलिट खेलाडीको जलेर मृत्यु

काठमाडौँ – प्रेमीले आगो लगाएको चार दिनपछि युगान्डाकी ओलम्पियन रेबेका चेप्टेगीको बिहीबार केन्यामा निधन भएको छ।

त्यहाँका चिकित्सक र युगान्डाका एथलेटिक्स अधिकारीहरूका अनुसार यो पूर्वी अफ्रिकी मुलुक युगान्डामा लिङ्ग आधारित हिंसाको पछिल्लो भयावह घटना थियो। कार्यकर्ताहरूले महिला–हत्या महामारीको चेतावनी दिए।

‘हामीले ओलम्पिक एथलिट रेबेका चेप्टेगीको उनको प्रेमीले गरेको भयानक हमलापछि दुःखद निधनका बारेमा थाहा पाएका छौँ। यो कायरतापूर्ण र संवेदनहीन कृत्यले एउटा महान एथलिटलाई गुमाउनुपर्यो, उनको विरासत कायम रहनेछ, ‘युगान्डा ओलम्पिक समितिका अध्यक्ष डोनाल्ड रुकारेले एक्समा पोस्ट गरेका छन्।

प्रहरीका अनुसार चेप्टेगीका साथी डिक्सन एनडिमा मराङगजका रूपमा चिनिने हत्याराले आइतबार पश्चिमी काउन्टी ट्रान्स–नजोइयाको एन्डेबेसमा रहेको उनको घरमा पेट्रोल छर्केर जलाएका थिए। चेप्टेगीको प्रेमीलाई पनि अस्पतालमा भर्ना गरिएको छ। तर, उनको अवस्था गम्भीर छैन।

दुई जनाबीच घरबाहिर झगडा भएको र झगडाको क्रममा प्रेमीले महिलालाई जलाउनु अघि तरल पदार्थ खन्याएको बताइएको छ।