शेयर बजार विश्लेषण गर्ने एआई एप्स डाउनलोड गर्दा बैंक खाताबाट पैसा गायब, कसरी जोगिने ?

मंगलबार, २७ साउन २०८२

काठमाडौं – ह्याकरहरुले नयाँ तरिकाले ठग्न थालेका छन् । नेपाल प्रहरीको केन्द्रीय अनुसन्धान ब्युरो (सीआईबी)ले दिएको जानकारी अनुसार नेप्से एआई नामक एपमार्फत ह्याकरहरुले शेयर बजारको गलत विश्लेषण गर्दै ठगी धन्दा चलाएका छन् । फेसबुक, इन्स्टा, टिकटकलगायतका सामाजिक सञ्जालबाट शेयर बजारको विश्लेषण भन्दै आकर्षक विज्ञापन देखाएर प्रयोगकर्तालाई एप डाउनलोड गर्न लोभ्याउने, एप इन्स्टल गरी पासवर्ड तथा सेन्सेटिभ विवरण प्रविष्ट गरेपछि मोवाइल पूर्ण नियन्त्रण लिइ बैंक खाताबाट रकम चोर्ने क्रम बढेको प्रहरीले जनाएको छ ।

पछिल्ला दिनहरूमा फेसबुक, इन्स्टा, टिकटकलगायतका सामाजिक सञ्जालबाट शेयर बजारको विश्लेषण भन्दै आकर्षक विज्ञापन देखाएर प्रयोगकर्तालाई उक्त एप डाउनलोड गर्न लोभ्याउने प्रवृत्ति बढेको सीआईबीको विज्ञप्तिमा उल्लेख छ । ब्युरोका अनुसार, एप इन्स्टल गरी पासवर्ड तथा सेन्सेटिभ विवरण प्रविष्ट गरेपछि प्रयोगकर्ताको डिजिटल डिभाइसमा पूर्ण नियन्त्रण लिइने र बैंक खाताबाट रकम चोर्ने घटनाहरू दर्ता भएका छन् । प्रहरीले एक व्यक्तिको २८ लाख ६१ हजार रुपैयाँ अन्य खातामा ट्रान्सफर भएको र पीडितको मोबाइलमा ‘ब्ल्याङ्क स्क्रिन’ देखिएको घटना विवरण सार्वजनिक गर्दै केही उजुरी प्राप्त भएको बताएको छ ।

ब्युरोले यस्तो स्क्यामबाट बच्न निम्न सावधानी अपनाउन सुझाएको छ