राष्ट्रिय मिर्गौला पीडित सङ्घद्वारा बिरामीलाई खाद्यान्न वितरण

काठमाडौं– मिर्गौला पीडित बिरामीको क्षेत्रमा काम गर्दै आएको राष्ट्रिय मिर्गौला पीडित सङ्घ नेपालले बिरामीहरुलाई खाद्यान्न वितरण गरेको छ । सङ्घले आज भक्तपुरको मानवअङ्ग प्रत्यारोपण केन्द्र भक्तपुरका मिर्गौला पीडित बिरामीलाई निःशुल्क खाद्यान्न वितरण गरेको हो ।

आर्थिक अवस्था कमजोर भएका निषेधाज्ञाको समयमा केही राहत मिलोस भनेर, ५० जना बिरामीलाई चामल, तेल, नुन, चिउरा वितरण गरेको सङ्घका अध्यक्ष समीर कुमार पोखरेलले जानकारी दिए । संस्थाले यस अघिको कोरोनाको पहिलो चरणमा पनि विरामीलाई सहयोग गरेको उनले बताए । संघले विगत १२ बर्षदेखि मिर्गौला बिरामीहरुको लागि विभिन्न सहयोगदेखि मिर्गौलासम्बन्धी जनचेतना र उनीहरुको हक अधिकारको लागि काम गर्दै आएको छ ।