प्रतिनिधिसभामा पहिलो पटक सम्बोधन गदै प्रधानमन्त्री बालेन

काठमाडौँ – प्रधानमन्त्री बालेन शाहले पहिलो पटक प्रतिनिधिसभा बैठकलाई सम्बोधन गर्ने भएका छन् । सङ्घीय संसद् अन्तर्गत प्रतिनिधिसभाको आज बस्ने बैठकमा प्रधानमन्त्री शाहले सम्बोधन गर्ने कार्यक्रम रहेको छ । बैठक बिहान ११ बजे सुरु हुने संसद् सचिवालयको कार्यसूचीमा उल्लेख छ ।

आजको बैठकमा सरकारको नीति तथा कार्यक्रममाथि छलफल सुरु हुनेछ । बैठकमा प्रधानमन्त्री वालेन्द्र शाहले नीति तथा कार्यक्रममाथिको छलफल सुरु गर्न प्रस्ताव प्रस्तुत गर्ने कार्यसूची छ । बैठकमा सरकारको वार्षिक नीति तथा कार्यक्रममाथि सांसदहरूबाट प्राप्त संशोधनहरू प्रस्तुत हुने र छलफल हुनेछ । आजै नीति तथा कार्यक्रममाथिको छलफलमा उठेका प्रश्नहरूको प्रधानमन्त्रीले जवाफ दिने कार्यसूचीमा उल्लेख छ ।

सोमबार राष्ट्रपति रामचन्द्र पौडेलले संसद्को दुवै सदनको संयुक्त बैठकमा आर्थिक वर्ष २०८३–०८४ को सरकारको वार्षिक नीति तथा कार्यक्रम प्रस्तुत गरेका थिए ।