आस्थाले ल्याइन् ‘आधार भाग २’, यस्तो बन्यो ‘नाकैमा फुली’को भिडियो
शुक्रबार, १३ मंसिर २०७६
उनले राजधानीमा आयोजित एक कार्यक्रमकाबिच आफ्नो दोस्रो एल्बम ‘आधार भाग २’ विमोचन गर्दै गीतको भिडियो सार्वजनिक गरेकी हुन् । सुरेश अधिकारीको शब्द तथा संगीत रहेको गीतलाई शानले निर्देशन गरेका हुन् । गीतमा आँचल शर्मा र महेश खड्काले अभिनय गरेका छन् ।
बिहीबार आस्थाको एल्बमलाई हास्य जोडी मदनकृष्ण श्रेष्ठ र हरिवंश आचार्य(मह), संगीतकार सुरेश अधिकारी, गायक राजु लामा, आस्थाका बाबु हरिबहादुर राउत र आमा साबित्री राउतलगायतले एल्बम सार्वजनिक गरेका हुन्।
सार्वजनिक एल्बममा ‘दशै आयो तिहार आयो’, ‘कलधारा’, ‘हवाइजहाजको टिकट’, ‘सिमाना’, ‘राम साइली’, ‘नाकैमा फूलि’, ‘को छ यहाँ र झलझल गर्ने’ बोलकाे गीत रहेकाे छ ।
यी गीतमध्ये ‘को छ यहाँ ’बोलको गीतमा आस्थाकी आमा साबित्री राउतको शब्द रहेको छ । बाँकी ७ वटा गीतमा सुरेश अधिकारीले शब्द र संगीत दिएका छन् ।
