संसद विघटन पछि पूर्वराजाले मुख खोले, अब के हुन्छ ?

काठमाडौं – संसद विघटन भएपछि पूर्वराजा ज्ञानेन्द्र शाहले मुख खोलेका छन् । सामाजिक संजाल ट्वीटरमा उनले जनताको मतको कदर गर्न नेताहरुलाई आग्रह गरेका छन ।

उनले जनमतको कदर नगर्ने नेताबाट केहि आश गर्न नसकिने समेत बताएका छन् । प्रधानमन्त्री केपी शर्मा ओलीले संसद विघटन गरेको सन्दर्भलाई संकेत गर्दै पूर्वराजा शाहले नेताहरुबाट केही पनि आशा गर्न नसकिने बताएका हुन् ।

‘जनताको मतको कदर नगर्ने नेताबाट केही पनि आशा गर्न सकिँदैन,’ सामाजिक सञ्चाल ट्वीटरमा शाहले लेखेका छन्, ‘कुर्सी र पदको मोहमा देशलाई हेलाँ गर्नेहरु बेलैमा सचेत नभए जनताले बाँकी राख्ने छैनन् ।’

बेला बेलामा पूर्वराजा शाहले नेताहरुको कार्यशैलीप्रति गुनासो गर्दै आएका छन् । उनले केहि दिनअघि मात्र आफूलाई जनताले नहटाएको बताएका थिए ।

जनताको मतको कदर नगर्ने नेताबाट केही पनि आशा गर्न सकिंदैन । कुर्सी र पदको मोहमा डुबेर देशलाई हेलाँ गर्नेहरू बेलैमा सचेत नभए जनताले बाँकी राख्ने छैनन् ।

— G. Shah (ज्ञानेन्द्र शाह) (@GBBShah) December 21, 2020