३ हजार ४७९ जना संक्रमित थपिए, ९९ जनाको मृत्यु

काठमाडौं– पछिल्लो २४ घण्टामा ३ हजार ४७९ जना संक्रमित थपिएका छन्। पिसिआर परीक्षणमार्फत ३ हजार २४ र एन्टिजेन परीक्षणका क्रममा ४५५ जनामा संक्रमण देखिएको हो।

एकै दिन ९९ जनाको कोरोनाबाट मृत्यु भएको स्वास्थ्य तथा जनसंख्या मन्त्रालयले जनाएको छ ।

हाल देशभर ८९ हजार २१७ जना सक्रिय संक्रमित रहेको मन्त्रालयले जनाएको छ। मन्त्रालयका अनुसार कोरोनाबाट मुक्त हुनेको दर ८३.५ प्रतिशत रहेको छ।

आइतबार काठमाडौं उपत्यकामा १ हजार १३१ जना संक्रमित थपिएका छन्। जसअनुसार काठमाडौं जिल्लामा ७३१, भक्तपुरमा १४६ र ललितपुरमा २५४ जना संक्रमित थपिएको मन्त्रालयले जनाएको छ।