३ जना वडाध्यक्ष उम्मेदवार नै एमालेमा प्रवेशगरेपछि माओवादी केन्द्रलाई आइलाग्यो यस्तो आपत

काठमाडौँ । नेकपा माओवादी केन्द्रबाट काठमाडौँ महानगरपालिका वडा नम्बर २४ का वडाध्यक्ष उम्मेदवार राजेन्द्र श्रेष्ठ आफ्नो उम्मेदवारी हापेर एमालेमा प्रवेश गरेपछि माओवादी केन्द्रलाइ आपत परेको छ ।

श्रेष्ठसहित माओवादी परित्याग गरी ओडा अध्यक्षको उमेदवार नै एमाले प्रवेश परेपछि माओवादी केन्द्रलाई आपत परेको हो । पार्टी प्रबेश

गर्ने २४ जनालाई एमाले काठमाडौं जिल्लाका सचिव राजेश शाक्यले पार्टीमा स्वागत गरेका छन् ।

एमाले प्रवेश गरेका श्रेष्ठले माओवादी केन्द्रका अध्यक्ष पुष्पकमल दाहाल प्रचण्डले स्थानीय तह निर्वाचनमा आफ्नो सन्तानलाई जिताउनेबाहेक अन्य कार्यकर्ताको संरक्षणमा अलिकति पनि ध्यान नदिएको आरोप लगाए । श्रेष्ठले भने, ‘उम्मेदवार चयनपछि जिताउने अभियानमा पनि नातावाद, कृपावादलाई मात्रै प्राथमिकता दिएकाले सो पार्टीमा बसिरहनुको औचित्य नरहेकाले परित्याग गरेको हुँ ।

केही दिनअघि मात्रै पनि चितवन पुगेर प्रचण्डले चितवनमा आफ्नो छोरीलाई विजयी नगराए देश दुर्घटनामा जाने भन्नुभयो तर हामी कार्यकर्तालाई कसरी जिताउने भन्ने सोच नै देखिएन ।’यसबीचमा माओवादीबाट काठमाडौंमा वडाध्यक्ष उम्मेदवार बनेका तीनजना एमालेमा प्रवेश गरेका छन् । यसअघि माओवादी केन्द्रबाट काठमाडौं महानगरपालिका वडा १३ का वडाध्यक्ष उम्मेदवार रामशरण डंगोल र १५ का वडाध्यक्ष उम्मेदवार रत्नकाजी महर्जन उम्मदेवारी हापेर एमालेमा प्रवेश गरिसकेका छन् ।

पार्टी प्रवेश कार्यक्रमलाई सम्बोधन गर्दै एमाले जिल्ला कमिटी सचिव शाक्यले पार्टी प्रवेश गरेका सबैलाई उचित जिम्मेवारी दिने बताए ।