यो सरकारले देशलाई समृद्धिको मार्गमा अघि बढाउन सक्दैनः विष्णु पौडेल

काठमाडौं— नेकपा एमालेका उपाध्यक्ष एवं पूर्व अर्थमन्त्री विष्णु पौडेलले अहिलेको सरकारले देशलाई समृद्धिको मार्गमा अघि बढाउन नसक्ने कुरा बताएका छन् ।

सुर्खेत विमानस्थलमा पत्रकारसँग कुराकानी गर्दै उनले भने,’यो घटनाक्रमले देश अस्थिरतातिर जाने निश्चित जस्तै भएको छ । यो गठबन्धनबाट देशको भविष्य छैन।’ उनले निर्वाचनको नतिजा अनुसार प्रतिपक्षमा बस्ने तयारी गरे पनि राजनीतिक समीकरण बदलिने स्थित आएपछि प्रचण्डलाई प्रधानमन्त्री बनाएर सरकारमा गएको स्मरण गरे । उनले भने ‘त्यो बेला नै केही समझदारीका साथ सरकारमा गएको हो । यद्यपि ‌प्रचण्डले धोका दिनुभयो।’

उनले एमालेको एकल बहुमतको सरकार निर्माण गर्ने तयारी स्वरूप ग्रासरुट अभियान सञ्चालन गरिएको बताए । पौडेल सुदूरपश्चिमको अछाम जाने क्रममा सुर्खेत आएका थिए ।