कांग्रेसका ४० प्रतिशत क्रियाशील सदस्यले रुखमा भोट नहालेको परराष्ट्र मन्त्रीको दाबी

काठमाडौं– नेपाली कांग्रेसका केन्द्रीय सदस्य तथा परराष्ट्र मन्त्री एनपी साउदले नेपाली कांग्रेसका ४० प्रतिशत क्रियाशील सदस्यले रुखमा भोट नहालेको दाबी गरेका छन् ।

केन्द्रीय कार्य समिति बैठकमा आफ्नो धारणा व्यक्त गर्ने क्रममा नेता साउदले सो कुरा बताएका हुन् । उनले२० प्रतिशत क्रियाशील सदस्यले वडा सदस्यदेखि संघीय सांसदसम्म तीनै तहका कुनै पनि उम्मेदवारलाई मत नदिएको आँकडा पेश गरे । बाँकी २० प्रतिशत सदस्यले आंशिक रूपमा केही उम्मेदवारलाई मत दिएर बाँकीलाई रुखमा खाली राखेको वा विपक्षीलाई मत दिएको बताए ।

वडा सदस्यलाई दिनेले अध्यक्षलाई नदिएको,मेयरलाई दिनेले उपमेयरलाई नदिएको जस्तो आधारमा २० प्रतितले आंशिक रूपमा मात्र मत दिएको उनको दाबी छ । साउदले सबै कांग्रेसका सदस्यले रुखमा भोट हाल्ने वातावरण बनाउनुपर्ने बताए । उनले बालकृष्ण खाँणको बचाउ गर्दै अनुसन्धान चली रहेको बेला निलम्बन गर्नु नपर्ने बताए ।