हामीलाई रविको भाष्य बोल्ने छुट छैनः रामकुमारी झाँक्री

काठमाडौं— नेकपा एकीकृत समाजवादीकी सचिव रामकुमारी झाँक्रीले अब आफूहरुलाई रास्वपा सभापति रवि लामिछानेको भाष्य बोल्ने छुट नभएको बताएकी छन् ।

इटहरीमा आयोजित समाजवादी जागरण अभियानलाई सम्बोधन गर्दै उनले सानो भए पनि आफ्नो पार्टी राज्यको शक्ति भएको दाबी गरिन् । झाँक्रीले भनिन्, ‘हामीलाई अब रवि लामिछानेको भाष्य बोल्न छुट छैन । सानो पार्टी भए पनि हामी राज्यको जिम्मेवार शक्ति हौं । अब हामी संवैधानिक कुरा गर्छौं । संविधानमा संकट आयो भने हामीले बचाउनुपर्छ, भन्छौं ।’

उनले कोशी प्रदेश सरकार गठनमा पनि अब विवेकपूर्ण रुपमा कदम चाल्नुुपर्ने बताइन् । अहिलेको संकट एकातिर राखेर ५० वर्षपछिको कुरामा हिँड्न नहुने उनको भनाइ छ ।