झिनो अंकले घट्यो नेप्से, ८ अर्ब ६९ करोडमाथिको कारोबार

काठमाडौँ — साताको कारोबारको चौथो दिन बुधबार सेयर बजार मापक नेप्से परिसूचक झिनो अंकले घटेको छ ।

बुधबार नेप्से ०.०४ अंकले घटेर २६६२.०९ बिन्दुमा पुगेको हो ।

नेप्सेमा कुल ३ सय २९ कम्पनीको २ करोड २२ लाख ८२ हजार ५० कित्ता सेयर खरिद बिक्री हुँदा ८ अर्ब ६९ करोडमाथिको सेयर कारोबार भएको छ । आज सबैभन्दा धेरै कारोबार रिडी पावर कम्पनीको भएको छ ।

त्यस्तै, बुधबारको बजारमा रिडी पावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ ।

यता, सुपर माई हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो ।