बादी समुदायको कथामा बनेको ‘लालीबजार’को प्रदर्शन रोक्न अल्पकालीन आदेश

काठमाडौं— नायिका स्वस्तिमा खड्का शीर्ष भूमिकामा रहेको फिल्म ‘लालीबजार’को प्रदर्शन रोक्न उच्च अदालत पाटनले अल्पकालीन अन्तरिम आदेश जारी गरेको छ ।

न्यायाधीश प्रकाश ढुङ्गानको एकल इजलासले बादी समुदायको कथामा आधारित भएर बनेको फिल्मको प्रदर्शन रोक्न मंगलबार आदेश जारी गरेको हो ।फिल्म प्रदर्शनमा चार दिन मात्रै बाँकी छ ।

पक्ष विपक्षको छलफलका लागि अदालतले वैशाख २२ गतेलाई पेसी तोकेको छ ।

रोशनी नेपालीले यो फिल्म प्रदर्शनमा आए बादी समुदायको चरित्रमा क्षति पुग्ने भन्दै रिट दर्ता गरेकी थिइन् ।

षट्कोण आर्टस्ले निर्माण गरेको यस फिल्मको लेखक तथा निर्देशक यम थापा हुन् ।