काँग्रेशको हुलै गयो रेशम चौधरीको पार्टिमा

नेपाली कांग्रेसका तीन वडाध्यक्षसहित १५ जना जनप्रतिनिधि निलम्बित सांसद रेशम चौधरीको पहलमा गठन भएको नागरिक उन्मुक्ति पार्टीमा प्रवेश गरेका छन् । नेपाली कांग्रेस कैलालीले आफ्ना ति तीन वडाध्यक्षसहित १५ जनप्रतिनिधिलाई पदमुक्त गर्न सिफारिस गरेको छ ।

उन्मुक्ति पार्टीमा लागेकामध्ये ६ जना कांग्रेसका क्षेत्रीय प्रतिनिधिसमेत हुन् ।

कांग्रेस कैलालीले पार्टी परित्याग गरेका १५ जनप्रतिनिधिलाई पदबाट हटाउन निर्वाचन आयोगलाई सिफारिस गरिएको कांग्रेस कैलालीका प्रचारप्रचार समिति प्रमुख नृप सुनारले जानकारी दिए ।

पार्टीको साधारण सदस्यसमेत नरहने गरी कारबाही गर्न पार्टीको केन्द्रीय समितिलाई पनि सिफारिस गरिएको उनले बताए ।

कांग्रेसले टीकापुर नगरपालिका वडा नम्बर १ का अध्यक्ष लालबीर चौधरी, वडा नम्बर ३ का अध्यक्ष रामसेवक महतो, वडा नम्बर ५ का अध्यक्ष रामशंकर डगौरालाई पदमुक्त गर्न सिफारिस गरेको हो ।