सरकारी कर्मचारीको पेन्सन बन्द

काठमाडौँ – सरकारी कर्मचारीको पेन्सन बन्द हुने भएको छ । आर्थिक वर्ष २०८२/०८३ देखि नियुक्त हुने कर्मचारीहरूको पेन्सन तथा उपदान बन्द हुने भएको हो । यसको सट्टा योगदानमा आधारित सामाजिक सुरक्षा प्रणाली लागू गरिने भएको छ ।

आर्थिक वर्ष २०८२/०८३ देखि नियुक्त हुने कर्मचारीहरूलाई पेन्सन तथा उपदानको सट्टा योगदानमा आधारित सामाजिक सुरक्षा प्रणाली लागू हुने भएको हो। अर्थ मन्त्रालयले सामाजिक सुरक्षा प्रणाली लागू गर्न आवश्यक व्यवस्था मिलाउन सबै मन्त्रालय, नियामक निकाय, सार्वजनिक संस्थान, बोर्ड, समिति तथा प्रतिष्ठानहरूलाई परिपत्र गरेको छ ।​

योगदानमा आधारित सामाजिक सुरक्षा प्रणाली लागू नगरेका कारण सिर्जना हुने दायित्व नेपाल सरकारले नबेहोर्ने अर्थ मन्त्रालयले जानकारी दिएको छ ।