टीकापुर सितोरियो कराँते एकेडेमीद्वारा खेलाडीहरूको ग्रेडिङ तथा बेल्ट परीक्षण
शनिबार, १७ माघ २०८२
टीकापुर, कैलाली – कैलालीको टीकापुरमा रहेको टीकापुर सितोरियो कराँते एकेडेमीले आफ्ना प्रशिक्षार्थी खेलाडीहरूको सीप र क्षमता मूल्याङ्कनका लागि बेल्ट परीक्षण (Grading) तथा विशेष प्रशिक्षण कार्यक्रम सम्पन्न गरेको छ। शुक्रबार आफ्नै परीक्षणस्थलमा कार्यक्रम आयोजना गरिएको थियो ।
लामो समयदेखि प्रशिक्षण लिइरहेका खेलाडीहरूले अहिलेसम्म के(कति सीप हासिल गरे र उनीहरू अर्को तह (बेल्ट) का लागि योग्य छन् कि छैनन् भन्ने निर्र्केयोल गर्न यो परीक्षण आयोजना गरिएको हो। एकेडेमीको आफ्नै प्रशिक्षण केन्द्र र खुल्ला चौर (पुरानो हाटबजार) मा आयोजित उक्त कार्यक्रममा दर्जनौं युवा तथा बाल खेलाडीहरूको उत्साहजनक सहभागिता रहेको थियो।
परीक्षणका मुख्य पक्षहरू
सीप परीक्षण : खेलाडीहरूले कराँतेका विभिन्न ‘काता’ र ‘कुमिते’ (फाइट) का कौशलहरू प्रदर्शन गरेका थिए।
शारीरिक र मानसिक अनुशासन : एकेडेमीको मूल नारा ‘विकास, अनुशासन र गतिशीलता’ लाई आत्मसाथ गर्दै खेलाडीहरूको अनुशासनको पनि कडा परीक्षण गरिएको थियो।
स्तर निर्धारण : प्रशिक्षकहरूले खेलाडीको प्रदर्शनको आधारमा उनीहरूलाई माथिल्लो बेल्ट प्रदान गर्ने वा नगर्ने निर्णय गर्नेछन्।
२०७८ सालमा स्थापना भएको यस एकेडेमीले छोटो समयमै विभिन्न क्षेत्रीय तथा राष्ट्रिय स्तरका प्रतियोगिताहरूमा सहभागी भई थुप्रै ट्रफी र पदकहरू जित्न सफल भइसकेको छ। एकेडेमीको कार्यालयमा सजाइएका विभिन्न पुरस्कारहरूले यसको सफल यात्रालाई प्रस्ट पार्छन्।
हाल एकेडेमीमा बिहान ५ः३० देखि ७ः३० सम्म र साँझ ५ः०० देखि ७ः०० बजेसम्म नियमित प्रशिक्षण हुने गरेको छ। स्थानीय स्तरमा खेलकुदको विकास र युवाहरूलाई अनुशासित बनाउन एकेडेमीले महत्वपूर्ण भूमिका खेल्दै आएको छ।
