हेलिकप्टरमा भागेका ओलीसँग पुनः मत माग्ने नैतिक अधिकार छैन : पूर्वमेयर महर्जन

काठमाडौं – केपी ओली झापामा व्यस्त हुँदा कार्यकर्ताहरु भकाभक प्रचण्डको नेपाली कम्युसनस्ट पार्टीमा प्रवेश गर्न थालेका छन् । आइतबार मात्रै एमाले परित्याग गरी किर्तिपूर नगरपालिकाका पूर्वमेयर रमेश मर्हजन र वडा नं. ६ का पूर्व वडाअध्यक्ष नुच्छे मर्हजननेकपा प्रवेश गरेका छन् । उनीहरुले नेकपा संयोजक पुष्पकमल दाहाल प्रचण्ड तथा नेता बामदेव गौतमले पार्टी केन्द्रिय कार्यालय पेरिसडाँडामा स्वागत गर्दै पार्टी प्रवेश गराएका हुन् ।

पार्टी प्रवेश कार्यक्रममा संयोजक प्रचण्डले नेपाली कम्युनिष्ट पार्टी धेरै कम्युनिष्ट पार्टीहरु मिलेर बनेको बताउँदै यो एकता सिंगो एमालेसहितको बृहत् एकतामा पुग्ने विश्वास व्यक्त गरे । उनले राष्ट्रवादि शक्तिहरूबीचको सहकार्यले देशको राजनीतिमा सकारात्मक सन्देश जाने धारणा राखे ।

पार्टी प्रवेश गरेका पूर्वमेयर रमेश मर्हजन र पूर्व वडाअध्यक्ष नुच्छे मर्हजनले नेपाली कम्युनिष्ट पार्टीका तर्फबाट किर्तिपूर–१० मा तारा चिन्हबाट उम्मेदवार रहनुभएकी रुपा मर्हजनलाई विजयी गराउन सक्रिय भूमिका खेल्ने प्रतिबद्धता जनाएका छन् ।

पूर्वमेयर रमेश मर्हजनले दुई तिहाइको सरकारको नेतृत्व गर्दा पनि जनअपेक्षा अनुसार काम गर्न नसकी हेलिकप्टरमार्फत बाहिरिनु परेको भन्दै तत्कालीन प्रधानमन्त्री केपी शर्मा ओलीसँग जनतासँग पुनः मत माग्ने नैतिक अधिकार नभएको टिप्पणी गरेका थिए ।