बालुवाटारमा जारी एमाले बैठकमा माधव नेपाल समूहका नेताहरु अनुपस्थित

काठमाडौँ– बालुवाटारमा जारी नेकपा एमालेको १० औँ महाधिवेशन आयोजक कमिटिको बैठकमा माधवकुमार नेपाल समूहका नेताहरु सहभागी भएका छैनन् । केहीबेरअघि बैठक सुरु भएको बैठकमा नेपाल समूहका नेताहरुलाई पनि बोलाइएको भए पनि अनुपस्थित भएका हुन् ।

संस्थापन पक्षले कारबाही गरिएका ११ जना नेताहरु बाहेक नेपाल समूहका अन्यलाई बोलाएको थियो तर, उनीहरु बैठकमा अनुपस्थित भएका हुन् ।

जारी बैठकले १० औँ राष्ट्रिय महाधिवेशन आयोजक समितिलाई रूपान्तरण गरि पूर्ववत् केन्द्रीय कमिटि बनाउने भएको छ । पार्टीभित्र असन्तुष्ट रहेको नेपाल पक्षको माग समेत पूरा गर्नेगरि निर्णय गर्ने बताइएको छ ।