जहाज दुर्घटना पछि केही समयको लागि पोखरा बिमानस्थल बन्द

काठमाडौं— नागरिक उड्डयन प्राधिकरणका प्रवक्ता जगन्नाथ निरौलाले यती एयरलाइन्सको जहाज दुर्घटना पछि केही समयको लागि पोखरा विमानस्थल बन्द भएको जानकारी दिएका छन् ।

त्रिभुवन अन्तर्राष्ट्रिय विमानस्थलबाट बिहान १०ः३५ बजे उडेको नाइन एन–एएनसी उक्त एटीआर ७२ विमानमा ३ शिशुसहित ६ बालबालिका र ६२ जना वयस्क गरी कुल ६८ यात्रु थिए ।

विमान कमल केसीले चलाएका थिए भने अन्जु खतिवडा कोपाइलट थिइन् । यती एयरलाइन्स स्रोतका अनुसार एस हुन्चु र ओए मगर परिचारिका थिए ।

जहाज ११ बजेर १० मिनेट जाँदा फेवा खोँचमा दुर्घटना भएको हो । अहिलेसम्म २७ जनाको शव भेटिएको छ ।