सरकारलाई बाबुरामको प्रश्न : त्यो भिडियो हेर्दा पनि आँसु आएन ? (भिडियो सहित)

काठमाडौं – पूर्वप्रधानमन्त्री डा. बाबुराम भट्टराईले विदेशमा रहेका नेपालहरुको तत्काल उद्धार गर्न सरकारलाई आग्रह गरेका छन ।

शुक्रबारबाट सुरु भएको प्रतिनिधिसभा बजेट अधिवेशनको पहिलो बैठकलाई सम्बोधन गर्दै समाजवादी पार्टीका नेता भट्टराईले अरुले विदेशमा अलपत्र नेपालको बारेमा जानकारी गराउँदै तत्काल उद्धार गर्न आग्रह गरेका हुन । उनले

भारतको गोवामा सरकारले नेपालीहरुलाई ‘घर जाऊ’ भनेको सुनाउँदै उनले अघि भने, ‘हाम्रो सरकारले ठोस निर्णय गर्न सकेको छैन । नेपालीहरु अलपत्र परेका छन् ।’

‘अहिले एउटा भिडियो भाइरल भएको छ, यसबाट पनि हाम्रो आत्मा पग्लिएन । आँखाबाट आँसु आएन भने हामीले आफैंलाई सोध्नुपर्छ, हामी मानव हौं कि होइनौं ?’

भट्टराईले उल्लेख गरेको भिडियो भारतको क्वारेन्टाइनमा राखिएका नेपालीहरुमाथि भएको हप्कीदप्कीको हो । उक्त भिडियोमा भारतीय अधिकारीहरुले नेपालीहरुलाई हामीले बोलाएर आएको हो ? तिमी आफैं आएका हौं । तिमीलाई हामी कसरी पाल्न सक्छौं ? जहाँ जान्छौ जाऊ भनिएको छ । तर नेपालीहरुले हात जोडेर म कहाँ जाऊँ ? बस्न देऊ भनिरहेका छन् ।

भट्टराईले भने, ‘नेपालीहरुको यस्तो अवस्थामा सब ठीकठाक छ भनेर बस्न मिल्छ ?’

‘भारत सरकारले तिमेरूलाई पक्रेर काम गर्न जबरजस्ति ल्याको हो? पैसा कमाउन आयौ त हाम्रो के गल्ती? नेपालीलाई फोकटमा ख्वाउन भारतसँग पैसा छ? बाहिर भेटे जेल जान्छौ, सिमामा जान पाउँदैनौ!’
सरकार, दियो बालेर फुर्सद भएपछि होटलमा मस्तले राखिएका यी नेपालीलाई इज्जत गरिएका यी कुरा पनि सुन्नु है! pic.twitter.com/9AJisfaWBL

— रामेश (@RaameshKoirala) May 7, 2020