दक्षिण कोरियाका ४० विश्वविद्यालय शिक्षा मन्त्रालयको कालोसूचीमा !

काठमाडौं – दक्षिण कोरियाका ४० विश्वविद्यालयहरु कालोसूचीमा परेका छन् । दक्षिण कोरियाको शिक्षा मन्त्रालयले विश्वविद्यालयमा भर्ना भएका अन्तराष्ट्रिय विद्यार्थीलाई टिकाउन नसकेको भन्दै एक बर्षका लागि ४० विश्वविद्यालयलाई कालोसूचीमा राखेको हो । कालोसूचीमा पर्नेमा एकेडेमिक कोर्ष पढाउने २० विश्वविद्यालयहरु र भाषा अध्ययन गराउने २० विश्वविद्यालयहरु रहेका छन् ।

मन्त्रालयले २०२४ को सेमेस्टरबाट सुरु हुने गरी कुल २० वटा विश्वविद्यालयलाई उनीहरूको डिग्री कार्यक्रमका लागि अन्तर्राष्ट्रिय विद्यार्थीहरू भर्ना गर्न प्रतिबन्ध लगाएको छ भने २० विश्वविद्यालयहरूलाई उनीहरूको भाषा अध्ययन कार्यक्रमहरूमा विद्यार्थीहरू भर्ना गर्नका लागि प्रतिबन्ध लगाइएको मन्त्रालयलाई उदृढ गर्दै दक्षिण कोरियाको जोङआङ दैनिकले लेखेको छ । मन्त्रालयका अनुसार सूचीमा रहेका विश्वविद्यालयहरूलाई असाधारण परिस्थिति बाहेक नयाँ अन्तर्राष्ट्रिय विद्यार्थीहरू भर्ना गर्न निषेध गरिएको छ।

अन्तर्राष्ट्रिय विद्यार्थीहरूलाई डिग्री कार्यक्रमहरूमा भर्ना गर्न प्रतिबन्धित विश्वविद्यालयहरूमा हान्सिन विश्वविद्यालय, नाम्बु विश्वविद्यालय, उइदुक विश्वविद्यालय, जोङआङ साङ्घा विश्वविद्यालय, सुवान विश्वविद्यालय, येवोन कला विश्वविद्यालय, जेओन्जु विश्वविद्यालय, कोसिन विश्वविद्यालय, जीएमगैंग विश्वविद्यालय, हाला विश्वविद्यालय, डेइगु प्राविधिक विश्वविद्यालय, वाङसङ सूचना कलेज, डोङवोन विज्ञान र प्रविधि संस्थान, युंगनाम विश्वविद्यालय कलेज, जेओन्जु जेओन्जु कलेज, चेहू हाला विश्वविद्यालय, कोङ्वन पर्यटन कलेज, कोरिया लिफ्ट कलेज, टिएलवियू स्नातक कानून स्कूल र एज्रा बाइबल संस्थान रहेका छन् ।

भाषा अध्ययन कार्यक्रमहरूमा विद्यार्थीहरू भर्ना गर्नका लागि प्रतिबन्ध लगाइएका विश्वविद्यालयहरुमा सूनचुनह्याङ विश्वविद्यालय, कुमोह नेसनल इन्स्टिच्युट अफ टेक्नोलोजी, डोङ–एउई विश्वविद्यालय, योङ्गिन विश्वविद्यालय, डोङदुक महिला विश्वविद्यालय, मोक्पो नेशनल युनिभर्सिटी, साङ्जी युनिभर्सिटी, येवोन आर्ट्स युनिभर्सिटी, यू1 युनिभर्सिटी, चाङवोन नेशनल युनिभर्सिटी, चोडाङ युनिभर्सिटी, हाल्ला युनिभर्सिटी, चोङसिन युनिभर्सिटी, डेगु हेल्थ कलेज, डोङवोन इन्स्टिच्युट अफ साइन्स एण्ड टेक्नोलोजी, केइम्युङ कलेज युनिभर्सिटी, सनचेन चेओङ्गम कलेज, क्याथोलिक साङ्जी कलेज, क्योङबुक साइन्स कलेज र टीएलबीयू ग्रेजुएट ल स्कूल रहेका छन् ।

पाँच लाख रुपैयाँका दरले ठगीन्छन् सिलिकनबाट एप्लाई गर्ने विद्यार्थी