चीनले भन्यो कोरोनाको उत्कर्ष सकियो

काठमाडौं– विश्व स्वास्थ संगठन डब्लूएचओ ले महामारी घोषणा गरेको २४ घन्टा वित्न नपाउँदै चीनले भने कोरोना भाइरस कोभिड–१९ को उत्कर्ष सकिएको बताएको छ ।

हुबेई प्रान्तमा नयाँ संक्रमितको संख्या एक अंकमा झरेसँगै चिनियाँ शीर्ष स्वास्थ्य अधिकारीले कोरोनाको उत्कर्ष सकिएको बताएका हुन् । बुधबार हुबेई प्रान्तमा केवल ८ जनामा कोरोना भाइरसको नयाँ संक्रमण देखिएको थियो । भाइरस फैलिएपछि पहिलोपटक नयाँ संक्रमितको संख्या १० भन्दा पनि कम देखिएको हो ।