‘मलाई फेरि भारतीय भन्छन् भने, नागरिकताको टिसर्ट र पाइन्ट लगाएर हिँड्नेछु’ : सुदन गुरुङ

काठमाडौं — हामी नेपालका संयोजक सुदन गुरुङले आफूलाई बारम्बार भारतीय भएको आरोप लगाउनेहरुलाई चुनौती दिदै, अब नागरिकता छातीमा टिसर्टमा छापेर र पाइन्टमा लेखाएर हिँड्ने बताए।

उनले यो कुरा प्राइम टिभीको जनता जान्न चाहन्छन् कार्यक्रममा पत्रकार ऋषि धमलासँगको कुराकानीमा भनेका हुन्।

गुरुङले बताए, उनले विगतमा पनि आन्दोलन गर्दा भारतिय ठहर्ने आरोप सहनु परेको र त्यो असामान्य लागेको बताएका छन्। उनले भने, म गोरखाको हुँ, नेपालमै हुर्किएको हुँ, साथै सामाजिक सञ्जाल र साइबर सेना द्वारा विभाजनको प्रयास भइरहेको आरोप लगाए।

उनले नागरिकता देखाइसक्दा पनि आरोप नटुंगिएको बताउँदै, फेरि त्यस्तो आरोप भए टिसर्ट र पाइन्टमा नागरिकता देखाएर बजारमा हिँडेर जवाफ दिने टिप्पणी गरे।